مرحبا بك يا زائر في معهد دار الهجرة للقراءات وعلوم القرآن الكريم

عايز تحل مشاكلك؟؟؟

شاطر

عالية الهمة

default عايز تحل مشاكلك؟؟؟

مُساهمة من طرف عالية الهمة في الأربعاء 12 نوفمبر 2008, 2:08 pm

عايز تحل مشاكلك؟
يا ترى ايه هي المشاكل اللي بتعاني منها؟؟
فكر مع نفسك كده واكتب كل المشاكل اللي انت حاسس انها بتعيق سعادتك وتقدمك
الناس مش فاهماك؟
الظروف حواليك صعبة؟
المدير في الشغل مضايقك؟
اكتب مشاكلك بسرعة في ورقة قبل ما تقرا الموضوع وهانرجعلها بعدين
*******
كتبت؟؟ جميل.. تعالى بقى نعرف ايه الحكاية
عشان تحل جميع مشاكلك لازم أولا تفكر بأسلوب صح.. لأن الباحثين اكتشفوا ان الفرق الحقيقي بين الناجحين والفاشلين هو نمط تفكيرهم
فيه نمطين من التفكير هم اللي بيحددوا ما ذا كنت انسان ناجح ولا فاشل.. والنمطين دول يمكن تغييرهم بإرادتك
نمط الفاشلين في التفكير
:
الفاشلين دايما بيميلوا انهم يهربوا من مواجهة مشاكلهم بحيلة ظريفة قوي.. وهي حيلة: أنا ضحية الظروف ولا يد لي في حل مشاكلي
تلاقي الواحد من دول قاعد يلوم كل اللي حواليه.. أبوه لأنه كان بيعاقبه.. الفرص لأنها غير متاحة.. زوجته لأنها مش فاهماه.. مديره لأنه مش بيقدره.. الجو لأنه مش مناسب
تلاقيهم فنانين في تأليف أسباب فشلهم ويبتدوا يدوّروا على شماعات يعلقوا عليها فشلهم.. أي شماعات وخلاص.. أي شيء يلوموه إلا هم أنفسهم
تلاقيه قاعد يلوم كل حاجة حواليه ويعتبرها سبب فشله و تعاسته.. ويعتبر نفسه ضحية وسط ظروف صعبة لا يد له فيها
لو لقيت المشاكل اللي انت كتبتها انت دايما فيها الضحية.. فأنت في مشكلة ويجب أن تغير نمط تفكيرك
نمط الناجحين في التفكير
:
الناجحين دايما بيفكروا بأسلوب مختلف عن كده
يقول ريتشارد باندلر: أنا مسئول عن عقلي, إذن أنا مسؤول عن نتائج أفعالي
طريقة التفكير دي هي: أنا مسؤول عن حياتي مش أي حد تاني
بدل ما يقول: مشكلتي هي ان الناس مش فاهمينّي
يقول: مشكلتي هي إني مش قادر أخلي الناس تفهمني
فاهم الفرق؟
بدل ما يقول: مشكلتي هي ان المدير مش بيقدرني
يقول: مشكلتي هي اني مش عارف أقنع المدير بقدراتي
المشكلة حلها عندك انت مش عند الناس
بدل ما تقول: مشكلتي ان الظروف صعبة
قول: مشكلتي هي اني مش عارف أقهر الظروف
*******
عشان تنجح لازم تؤمن تماما ان لك سيطرة تامة على حياتك وانك مش ضحية ظروف ولا حاجة
لو فيه مشكلة يبقى انت السبب فيها وانت اللي في ايدك حلها.. لوم نفسك انت مش تشوف شماعة تعلق عليها مشاكلك
انت في ايدك تغير اي حاجة حواليك واي مشكلة انت بنفسك ممكن تتولى حلها.. هي دي مهمتك طوال حياتك
الناجحين بيفكروا بالأسلوب ده
لو فكرت بأسلوب الضحية, هاتبقى فاشل ومش هاتغير حاجة لأنك.. ببساطة.. أقنعت نفسك ان قوى خارجية هي اللي بتتحكم فيك وتفضل تستحمل اللي بيجرالك و خلاص
انما لو آمنت ان اي مشكلة بتحصل, حلها في ايدك انت مش في ايد اي حد تاني, هاتتحرك و تحلها وتبطل تلوم الظروف اللي حواليك
لو لقيت نفسك بتلعب دور الضحية.. ولقيت نفسك قاعد تلوم شخص ما أو ظروف معينة.. اعرف ان آن الأوان تغير طريقتك لأنها مش هتاخدك للاتجاه الصحيح
*******
انت مسئول عن حياتك وأي تغيير انت عايزه هاتحققه نفسك, مش بلوم الظروف والأشخاص
هي دي بداية تحقيق التغيير الإيجابي اللي بتتمناه لحياتك
*******
منقووووووووول للفائدة

امة الرحمن

default رد: عايز تحل مشاكلك؟؟؟

مُساهمة من طرف امة الرحمن في الخميس 13 نوفمبر 2008, 4:16 am

فعلا اختي ينبغي ان تغير طريقة تفكيرنا حتي نكون من الناجحين جزاك الله خيرا علي الموضوع الرائع

عالية الهمة

default رد: عايز تحل مشاكلك؟؟؟

مُساهمة من طرف عالية الهمة في الأربعاء 19 نوفمبر 2008, 4:06 pm

جزانا الله واياكى اختى الغالية امة الرحمن وبارك فيكى

مها صبحى
الإدارة

default رد: عايز تحل مشاكلك؟؟؟

مُساهمة من طرف مها صبحى في الأربعاء 19 نوفمبر 2008, 9:49 pm

بارك الله فيك حبيبتى عالية الهمة
حقاً يجب ألا يستسلم الانسان للمشاعر السلبية
بل يجب أن يكون إيجابى
و يصنع من الفشل نجاحاً
و إذا وقعت فلا تظل مكانك
بل قم و انفض التراب عن نفسك و سر للأمام

عالية الهمة

default رد: عايز تحل مشاكلك؟؟؟

مُساهمة من طرف عالية الهمة في الخميس 20 نوفمبر 2008, 1:03 pm

وبارك فيكى الرحمن اختى الفاضلة مهاوجزاكى الجنة ان شاء الله ولقد اسعدنى مرورك جدا وردك الطيب الغالى جزاكى الله كل خير

    الوقت/التاريخ الآن هو الإثنين 20 فبراير 2017, 9:27 am