مرحبا بك يا زائر في معهد دار الهجرة للقراءات وعلوم القرآن الكريم

سلسلة (من غير لماضة ياحمادة ).... متجدد بإذن الله

شاطر

حبيبه
هيئة التدريس

default سلسلة (من غير لماضة ياحمادة ).... متجدد بإذن الله

مُساهمة من طرف حبيبه في السبت 03 نوفمبر 2012, 1:10 am



سلسلة (من غير لماضة ياحمادة ).... متجدد بإذن الله

سلسلة دعوية
الحقيقة أسلوب هذه السلسة لم أعتاد وضعة نظراً لأسلوب كتابته .. لأني لا أميل إلى الطرح بهذا الأسلوب .. لكنها قد تكون مناسبة و مفيدة مع أناس آخرين..



**** السلام عليكم
=وعليكم السلام



**** عامل ايه ؟
=تمام



**** ومع ربك عامل ايه؟
= زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..



**** طب وانت ايه اللى بعدك عن ربنا؟
.......................................


الموضوع بجد وحقيقى

ويمكن اكتر موضوع جد ومهم فى حياتنا ومش بس حياتنا
واخرتنا كمان

...



معلش

مش هكمل الموضوع




الأ



لما



اشوف



همتكم فى المتابعة والرد

محبةالقرءان
هيئة التدريس

default رد: سلسلة (من غير لماضة ياحمادة ).... متجدد بإذن الله

مُساهمة من طرف محبةالقرءان في السبت 03 نوفمبر 2012, 3:30 am

جزاك الله خيرا

بنت الاسلام2
مسؤولة شئون الطالبات و الحلقات

default رد: سلسلة (من غير لماضة ياحمادة ).... متجدد بإذن الله

مُساهمة من طرف بنت الاسلام2 في السبت 03 نوفمبر 2012, 8:13 am

معاك وفي انتظارك واضح انه موضوع شيق ربنا ينفع به شباب المسلمين

حبيبه
هيئة التدريس

default رد: سلسلة (من غير لماضة ياحمادة ).... متجدد بإذن الله

مُساهمة من طرف حبيبه في السبت 03 نوفمبر 2012, 10:38 am



أختاي
أشكر مروركما الطيب فقد لبيتما الدعوة فجزاكما الله خيرا

كما اتفقنا لم أتدخل في تعديل الكلام أو حذفه بالزيادة أو النقصان.
وربنا يسهل ونخلص واستحمل هذا الأسلوب .
رغم شكري وتقديري لمن قام به (بس لو حسن تعبيره شوي Razz )



(( 2 )) .......( سلسلة ) من غير لماضة ياحمادة

السلام عليكم ياشباب

ايه اخباركوا فى العيد ؟؟؟
يارب
كل ايامكوا تبقى اعياد وسعادة وتبقوا من ربنا اقرب


اولا عشان اكون واضح انا ولا شيخ ولا حتى داعيه
انا انسان عادى جدا كل اللى بعمله انى بسمع الدرس او بقرأة واجى
احكيلكم على اللى سمعته او قريتة


...
ودلوقتى

لو دخلت هنا وبتقرأ دلوقتى كلامى

واذا هنكمل مع بعض للاخر ان شاء الله يبقى اعرف انك على اول الطريق

...

عايزك تركز معايا اوى وفوكك من اى حوار تانى بتعمله سيب باقى المواقع
اللى انت فاتحها وباقى المواضيع اللى بتتصفحها والحاجات اللى انت فاتحها تحت دى
اقفل كل دا وركز معايه

.. (فية ناس لسة مش مركزة وفاتحة حاجات بردة ) ..
(أنا شايفك )

..


.
.
.
.
.

أنت دخلت الموضوع ليه ؟

عشان قلبك قاسى ؟
[مهما سمعت قران أو دروس مش بيأثر فيه ومش ببكى ومش بخشع ]

عشان بعيد عن ربنا ونفسى ألتزم بئى
[أصلى وأصوم وأبعد عن الذنوووب وابدأ حياة جديدة ]


مبروك فى الحالتين أنت فى المكان الصح إن شاء الله

.
.
.


.....
.
.
.
اسئلة لازم كلنا نجاوب عليها

لية مش بقدر أتوب؟
.
.
ولية أتوب أصلا ما انا زى الفل واشطة كدا ؟!
.
.
أزاى أتوب ؟؟
.
.

...
.
.
.

هنكشف مع بعض أسرار وخفايا الأمور دى
.
.
.
....

فى حلقتنا انهاردة هنتكلم عن ...

لية مش بقدر أتوب ؟
(موانع التوبة)





سؤال سحرى السؤال دا ..
ليه انا وانت وناس كتير بعيد عن ربنا ومش بنتوب ؟؟؟

هنكشف أسرار السؤال دا وتعالوا نعرف


لو جيت سألت شخص مثلا او حتى سألت نفسك
.
.
لية انت بتبص على البنات؟
لية بتشرب سجاير او بترفع برشام او بتضرب بانجو ؟
لية مش لابسة حجابك او لبسك ضيق او بتعملى حواجبك ؟

>> ياترى هتلاقى اجابة للسؤال ؟
لو سألت مليون شخص بيعمل ذنب انت لية بتعمل كذا
سواء منك او من غيرك مش هتلاقى اجابة مقنعة ومنطقية يرضى بيها العقل البشرى
كلنا هنتفق انها غلط بس بتعملهااااااااااا ليييييييه يا عم الحاج
طالما حرام ومفيش مبرر كمان ؟؟ يبقى السؤال بلا إجابة ......

عايز تعرف بئى السبب الحقيقى

خوووووووود

-انك بقيت عبد للشهوة




اييييييه يا عم الكلام الكبير داااااا
ايوة
ربنا خلقك عشان تعبده
فأنت عملت حاجات كتير اوى ألهتك وشغلتك عن عبادة الله وطاعته
وهى عند اغلى واهم من طاعة الله ومن الله
وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ .


فبكدا انت بقيت للحاجات التانية اللى انت فضلتها على عبادة ربنا وشغلتك عن عبادته

{أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ}

تعالوا ناخد مثال



شاب طالبة معاه يعمل دماغ ومعاه سجارة ملغمة بس هو فى البيت
ومينفعش طبعا يولع يروح لابس ونازل ورايح ااخر الدنيا عند اصحابة
عشان يعمل دماغ معاهم فى شقتهم الفاضية ..
واحد تانى نفسة فى سجارة مثلا بس مش لاقى يروح لفلان وفلان ... ويجرى يلهث ورا سجارة<< عبد للسجارة هى اللى بتتحكم فية وبتجيبة وتودية

في حين ان لو سمع الاذان عمرة ما هينزل يصلى ويقولك ياااا عم انا لسة هنزل واتوضى


- البحث عن السعادة (المتوهمه ف المعاصى)
انا السجارة بتريحنى
انا فرجتى على الحاجات الوحشة بكون مبسوط
انا من غير الحجاب ولبسى اللى هيتفجر عليه دا بحس بمتعه الشباب وهم بيبصولى ومعجبين بجمالى
انا بالزنا بكون فرحان وسعيد ومستمتع
وانا بجيب فى سيرة الناس بحس بإحساس جميل وبضيع وقتى
..
.

مش عارفين أن دا تزيين الشيطان للشهوات المحرمة عشان
يوهمنا انها ممتعه ونعملها ونبعد عن ربنا

[ وَزَيَّنَ لَهُمْ الشَّيْطَانُ أَعْمَالَهُمْ فَصَدَّهُمْ عَنْ السَّبِيلِ فَهُمْ لا يَهْتَدُونَ ]
..
[زُيِّنَ لَهُمْ سُوءُ أَعْمَالِهِمْ وَاللّهُ لاَ يَهْدِي الْقَوْمَ الْكَافِرِينَ]
..
[قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ]
..
[أَفَمَن زُيِّنَ لَهُ سُوءُ عَمَلِهِ فَرَآهُ حَسَناً فَإِنَّ اللَّهَ يُضِلُّ مَن يَشَاءُ وَيَهْدِي مَن يَشَاءُ ]

سبحان الله ربنا قالنا كل حاجة فى القران الكريم
وحذرنا وكشفلنا الغيب والمستقبل واللى هيحصلنا كاااااامل فى حياتنا و لما نيجي نموت وفى القبر وفى الاخره
بس احنا مش بنتعظ !!!

..
بعد ما عرفنا ان دا تزيين فقط ومفيهوش متعه انما هى متعة مزيفة من الشيطان

كمان احنا لازم نعرف ان الالتزام فية متعة وفية حلاوة وجمال ونقاء وهدوء وراحة نفس

وراحة بال (أسلم كتير من غير المسلمين بسبب انهم لقوا فى الإسلام راحة البال وهدوء النفس وصفاء البال فسبحان الله لا يشعر بها إلا المسلم المؤمن )

طبعا دى احاسيس مش ممكن تتشرح كل واحد تاب او دخل فى الاسلام حس بالمتعة دى وحس براحة البال دى
وانت كمان ان شاء الله هتحس بيها لما تقرب من ربنا ...


والان

بعد ما عرفنا وكشفنا بعض الاسرار





انتظرونا فى الحلقة القادمة إن شاء الله مع اسرار جديدة




فى


( سلسلة ) من غير لماضة ياحمادة .... متجدد بإذن الله




بنت الاسلام2
مسؤولة شئون الطالبات و الحلقات

default رد: سلسلة (من غير لماضة ياحمادة ).... متجدد بإذن الله

مُساهمة من طرف بنت الاسلام2 في الأحد 04 نوفمبر 2012, 3:16 am

جزاك الله خيرا ربنا يهدي شباب المسلمين

    الوقت/التاريخ الآن هو الإثنين 05 ديسمبر 2016, 10:34 am